爸爸媽媽們...….加油啊！

如果全職工作嘅定義係每日連續工作超過10小時，我同太太就應該合資格被稱為＂在職爸媽＂。因為工作可以自由調配地點及時間，換句話說，可以全天候親身照顧一位發展緩慢嘅小朋友。吃力嗎？當然非常吃力！

每日只有24小時，為咗可以做到＂維持家庭收入＂，以及＂近身照顧小朋友＂，我哋付出嘅代價就係要犧牲休息時間、娛樂及運動等等。值得嗎？相信每一位SEN小朋友嘅家長，都會回答相同嘅答案: 值得！

今年最大嘅挑戰係要適應主流小一生活，幸好早前我哋精心挑選了一間民風純樸及唔會＂追成績＂嘅主流學校，全校教職員及同學們都比較友善和包容，現在小朋友每天都可以開心上學、接受各項挑戰; 只係⋯⋯考試成績稍遜以及未能擴闊社交圈子。相信希望在明天！

最後，想同大家分享小小心得，無論小朋友係屬於任何一類型SEN，爸爸媽媽都一定係家庭嘅＂火車頭＂，千祈唔好淨係掛住照顧小朋友，因為只有健康嘅爸爸媽媽，先至可以帶住全家人一齊迎接未來嘅挑戰！大家一齊加油啦！

.

.以愛福澤社群，請即捐款幫助有需要人士